مرات الاب : بت يا سندريلا اصحى يا بت جاك خابط فى نفوخك
سندريلا : اييييه يا مرات ابويا خمسه وحقوم
مرات الاب: قومى يا بت قامت قيامتـك
وصحيت سندريلا وهى بتأفأف .. كان لازم يعنى اسهر عشان اسمع اللى اسمه
اسامة منير ده !!!
مرات الاب : يللا قومى اكنسـى وامسحى على ما نيجى
سندريلا : وانتو رايحين فين ومتزوقين كده وعلى سنجه عشرة وكل واحده عامله نيو لوك
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح .. بليييييز
مرات الاب : تروحى فين يا معفنه بلبسك المهرول المعفن ده انا عايزه ارجع الاقى
البيت بيبرق..قشطة ماشى
ومشيت مرات الاب وبناتها التلاته وقعدت سندريلا تعيـط وفجــأه طلعتلها
الســاحره من الميكروويف ....
الساحره : مالك يا بت يا سندريلا ؟؟
سندريلا : كان نفسى اروح معـاهم الحفله بس لبسى مقطع و موبايلى كارت وماعيش رصيد
ولابسه شبشب بصباع
الساحره : ولا يهمك يا موزة.. وطلعت من جيبها الموبايل وطلبت الاتيليه بتاع مدام
لولو يبعتو فستان وجزمه اخر موديـل
فرحت سندريلا ولبست وحطط الآي شادو و الجليتور ورشت البرفان بس
الساحره قالتلها : قدامك للساعه 12 لازم ترجعى احنا صعايدة ودمنا حامى
ومعندناش بنات تتأخر
و لو اتأخرتى حترجعى زى ما كنتى بلبسك القديم وسط الناس
سندريلا : حاضر حاضر اما ساحره رجعيه وتخلفة صحيح !!
خرجت سندريلا من البيت لقت الساحره مجهزة الـمينى كوبر
ركبت سندريلا وراحت ع القصـر ولفت جمــالها كل اللى موجودين و اول ما
عين الامير وقعت عليها راح وطلب يرقص معاها و وافقــت
نظرات ... همسات .... صمــت
وفجأة... العنب العنب العنب..احمر
سندريلا : دى الساحره بتدينى ميسد .. يا خبر الساعه 12
وقامت طالعه تجرى قوم ايه بقى وهى بتجرى فرده الجزمه اتخلعت
خدها الامير المعجب و نادى للوزير
الامير : يا وزير تـامر
الوزير : امرك يا باشا !!
الامير : خد الجزمه دى اسحبلى صورتها اسكانر و نزل صورتها فى كل
المواقع والفيس بوك و ع الويب سايت بتاع القرية ..
واكتب على صاحبه هذه الجزمه التوجه للقصـر الملكــى wanted
بنات كتير جدا راحو و طبعا الجزمه مجتش على مقاس حد فيهم (قال
يعنى سندريلا رجليها رجل معزه )
الى انا شاهدت سندريلا الاعلان عن فرده الجزمه على ميلودى هيتس وقامت
التوجه الى القصر وتزوجت هى والامير
وعاشوا فى تبات ونبات و خلفو توأم ملتصق وشويه بنات
هههههههههه... ها ايه رايكوا؟؟؟؟
تعديل / حذف المشاركة
موضوع: السندريلا قصة جامدة جدااا 2010 
الخميس سبتمبر 03, 2009 7:44 pm
