!! محكــــمة الحــــب !!

انا هبتدى الاسئله

ليه مبقاش فى حب صادق؟؟

ليه ديما كل لما تجرى ورا الحبيب يجرى منك ولما تجرى منه بيجرى وراك؟؟

ليه النسيان فى الحب ونسيان حقوق الحبيب عليك؟؟

ليه لما يكون فى اتنين بيحبو بعض اوى تدخل الاهل بيكون سبب فشل العلاقه؟؟

ليه الخيانه فى الحب هل ده بيكون تقصير من الحبيب وله زهق من كتر الحب؟؟


ليه ديمآ الحب الاول مش بيستمروسعات فشل الحب ده بيكون ليه نتيجه عكسيه مع الولد او البنت وبيكون اكتر مع الولد لانه بيغير سعات ناطق ورتم حياته وبيعرف بنات كتير وميكونش بيحبوهم؟؟


ليه ديمآ الخيانه وكتر العلاقه بيكون من الراجل وبيدى لنفسه الحق فى ده؟؟


ليه ديما لما يكون طرف بيحب اوى الطرف التانى بيعزب اوى وبستغل الحب ده ؟؟


ليه الحب فى معظم حلات الزواج ينتهى بعد الزاوج هل ده مش بيكون حب ولا مشاكل الحياه بتمحى تمامآ الحب ده؟؟


ليه لسه فى ناس مش بتقدر وتحترم الحب ولما يلاقو حد يحبوهم بجد بيخدعو وهما مش بيحبو بس بيوهمو انهم بيحبو؟

انا كمان هاقول الاسئلة بتاعتى

- انت شايف انك صح فى كل حاجة بتعملها؟ و ايه هي احلامك و طموحاتك و اهدافك ؟

- يعني ايه حب في حياتك , و بتحب و لا لاء ؟

- انتى عملت ايه وحش فى دنيتك؟


- يعني ايه صداقه من وجهه نظرك ؟ و بتقول اسرارك لمين ؟ و مين اكتر الناس اللي قريبين منك هنا في المنتدي ؟

-ايه اول ذكرى تفتكرها و انت صغير ؟وايه أجمل هديه جالتك و من مين ؟

- ايه اكتر مكان بتحبه ؟ واكتر مكان بتكرهه ؟ و من اكتر واحد فى زملائك بتنقده وليه واشمعنا هو؟

- انت فاهم يعنى ايه معنى الحب ولا اى كلام بتقال كدة وخلاص؟

- امتى عملت حاجه و انت مش عارفه عملتها ليه ؟؟؟

- امتى حسيت انك عايز تموت ضميرك عشان تستريح ؟؟؟

- امتى اتصدمت فى حد لمجرد انك كنت فاكراه ملاك و اكتشفت انه بشر ؟؟؟

- امتى حسيت بالضعف ؟؟ و ادام مين ؟؟ و ليه ؟؟؟

- ياتري ميدو راضيه عن نفسه ؟ وايه اللى مش عاجبك فى نفسك وفى اصحابك ؟؟؟

- ايه اكتر حاجه ممكن تخليك تبك ؟؟ ومريت بيها قبل كده ولا لسه ؟؟

- ايه السؤال اللى بتخاف حد يسألهولك عشان مش حتعرفى تجاوبى عليه ؟؟ وإتسألته قبل كده فى حياتك ولا لسه ؟؟ ماتقولش مافيش

- امتى حسيت انك مفتقده نفسك و ليه ؟؟


- امتى كرهت الناس و حسيت انك مش عايز تعرف ناس تانى ؟؟؟

- انت عايش ليه ؟؟

- مين اكتر ولد ظلمته ومين اكتر بنت ظلمتها ؟؟ وعاوز تقولهم ايه ؟؟


- لو قلتلك وجه كلمة عتاب لخمس اشخاص
مين هما وايه هى الكلمه ؟؟

- نفسك فى ايه دلوقتى ؟؟؟

- ايه السؤال اللى كنت متردد اوى وانت بتجاوب عليه ؟؟

- بتغسل سنانك كل يوم ولا بتنفض ؟؟


-لو انا معاك دلوقتى كنت عملت فيا ايه ؟؟


-كنت صريح فى الرد على الاسئلة بنسبة كام فى المائة ؟

- لو قالولك حنسفرك تقضى يومين بره تروح فين وتاخد مين ؟ ( شخصين بس )

. ايه الصفات اللى فيك وبتحبها ؟ وايه العيوب اللى فيك ونفسك تتخلص منها ؟

وجه كلمة للاشخاص دى

قلب وراح

الفرعون العاشق

SOLLY
عاشقة الرومانسية

انا كده كفاية صح

يالا بالتوفيق بقى فى الاجابات

مستنية الاجابابات بسرعة

خلاص يا جماعه

لحد مميدو ييجى

هنعين عضو تانى مكانه

يا ترى هنختار مين المره دى ؟؟؟

اختارنا

>>> wa3d <<<

يلا يا وعد اكدى حضورك علشان نبدا الاسئله

انا هنا هنا هو

مين بينادى عليا

انا جيت ااكد حضورى

وبشويش فى الاسئلة بتاعتكو عليا

ماشى احنا برضه اخوات

يالا مستنية اسالتكوا

اقتباس :

اولا اطلعى ببطاقتك يا وعد وعرفينا بنفسك

لسه مش طلعت بطاقة اول مااطلع بطاقة هابقى اوريهالك

اقتباس :

1. هل أنت من الأشخاص اللذين يحبون بسرعة؟

اه انا بحب بسرعة ولكن مش بكره بسرعة خالص ولا بسهولة برضه
ولما بحب حد بحبه اوى وبخلصله اوى

اقتباس :

2. هل تحب الشخص على شكله أو شخصيته أو الاثنين معا؟

عمرى مابصيت لشخص علشان شكله انا كل اللى يهمنى شخصيته وبس
لكن الشكل ده ولا فى دماغى اصلا

اقتباس :

3. هل من الممكن أن تحب أو تعجب بأكثر من شخص في نفس الوقت؟

لا صعبة اوى الحكاية دى صعبة بجد يعنى مش ينفع خالص احب اكتر من شخص فى نفس الوقت

اقتباس :

4. هل حدث و أن وقعت بالحب من النظرة الأولى؟

لا لسه مش وقعت فيه خالص

اقتباس :

5. يضطر الإنسان إلى الكذب أحيانا و لكن هل تضطر للكذب على الشخص الذي تحبه ؟

يبقى مش بحبه بقى بحبه ازاى وانا هاكذب عليه وانا اصلا اكتر حاجة مش بحبها الكذب فاانا عمرى ماهكذب ماهما كان السبب يعنى

6

اقتباس :

. هل سبق و أن أحببت شخصا و الآن تركته ولكن قلبك لازال يحبه وماذا تفعل إذا التقيت به صدفة؟

الحمد لله لسه مش حبيت خالص مالص بس انا اظن يعنى انى لو شوفته صدفة لو كنت انا اللى سيبته واكيد يعنى هايكون حصل حاجة هاحاول انى افهم منه حقيقة الموضوع ده واديله فرصة يتكلم لان اى حد فى نفس الوقت كده مش بيكون عارف يفكر واكيد هاكون مش اديته فرصة يتكلم اما بقى لو هو اللى سبنى فابلتالى طبعا عمرى ماهاروح اقوله ارجعلى مهما كان الانسان عنده كرامة وهو لو بيحبنى هايرجعلى مش كده ولا ايه

اقتباس :

7. هل تؤمن من أن الحب الحقيقي يستمر كل العمر؟

اه وجداااااا كمان الحب لما يبقى حقيقى عمر مافى اى حاجة هاتكسره

اقتباس :

8. هل من الممكن أن تقدم حياتك كلها فداء للحبيب؟

لو بحبه بجد وواثقة انه بيحبنى افدية بحياتى كلها وعمرى كله وكل مااملك

اقتباس :

9-هل الغيرة والشك يجتمعان في الحب الحقيقي؟

ماظنش انهم يجتمعو خالص يعنى غيرة مع شك مش يبقى حب ده يبقى نكد

اقتباس :

10-هل الحب ينتهي مع الزمن....أم أن الزمن كفيل بان ينهي الحب؟

مافيش حب بينتهى ولو انتهى احنا اللى بننهيه مش الزمن احنا اللى بنتحكم فى حبنا ده الزمن عمر ماكان ليه دخل

اقتباس :

[11-هل البعيد عن العين يصبح بعيد عن القلب؟

لا طبعا هو اى نعم صعبة اوى انك تحب شخص مومش تشوفه بس برضه عمر ماكان البعيد عن العين بعيد عن القلب

اقتباس :

12-هل من الممكن ان تتحول الصداقه الى حب ؟

اكيد ليه لاء اكتر الناس اللى حبو بعض كانو فى الاصل اصدقاء لكن الصداقة دى قربتهم من بعض وحبو بعض

13

اقتباس :

-متى اخر مره بكيتي ؟

اخر مرة لما اخويا عمل الحاذثة لا لا لما راح يعمل العميلة لانه عمل العملية بسبب الحادثة دى اصلا ولحد دلوقتى كل ماافتكر اليوم ده اعيط

اقتباس :

14-هل انتي راضيه عن نفسك ؟

اه لانى مش بعمل حاجة غلط تخلينى مش راضية عن نفسى

اقتباس :

15-بماذا تقري وتعترفي أمامنا الان ؟

دلوقتى دلقوقتى اقول اعترف انى بحبكو كلكلو زى اخواتى بالظبط وبقول ربنا يوفقكوا والمنتدى يكبر ويكبر

اقتباس :

16-لما تحب شخص ممكن تتسائل بينك وبين نفسك .. انا لية بحبه؟

اكيد ممكن اسال نفسى السؤال ده مش عارفه ليه بجد بس هو اكيد يعنى هاسال نفسى السؤال ده وهاسال نفسى كمان هو بيجبنى ولا لاء

اقتباس :

17-((مستحيل انساك)) لمن تقوليها ؟

لامنية صاحبتى الانتيم يعنى حبى الوحيد صاحبتى واختى وحببتى وكل حاجة ليا
فى الدنيا دى

اقتباس :

18-(( انت كل شيء بحياتي )) لمن تقوليها ؟

لماما وبابا واخواتى وامنية معاهم برضه

اقتباس :

كفايه دول دلوقت لان مزاجى مش رايق

واضح خالص انك مش رايق

انا كده خلص اجابة

وربنا يسترها فى اللى جاى

تمام يا وعد

اجاباتك هايله اوى وصريحه جدا

يلا انا مستنى بقيه الاعضاء

الحمد لله انها عجبتك

وبقيت الاعضاء ياريت يبقو رؤفون بيا

احنا اخوات برضه

ههههههههههههههه

اقتباس :

هو انتى اللى جيتى ولا الهوا اللى رماكى

يا مراحب يا مراحب

للاسف الهوا هو اللى رمانى

اقتباس :

1- موقف حصلك ولسه ماثر فيكى ياترى اى هوا

موقف حصلى فى شات بتاع منتدى بجد الموقف ده عمرى ماهنساه فى حياتى

اقتباس :

2- امنياتك الا رسمتيها لنفسك بتتحقق ولا محلك سر لسه

محلى سر لسه انا لسه الطرق قدامى طويل اوى يعنى احلامى لسه مش اتحققت

اقتباس :

3- اعضاء تحبى توجهى اى حاجه ليهم ياترى مين هما واى هيا الحاجه دى

هموس اقولها يامرحب بيكى فى المنتدى

حمادة وهانى اقولهم انتو اجمل اخوات واصدقاء قابلتهم فى حياتى

اقتباس :

4-ايهالحاجه لو حصلت لوعد تغضبها جدآ

حد يكدب عليا او يخدعنى او يجرحنى بجد دول لو حصلو يخلونى اغضب اووووووووى

اقتباس :

5-هقولك كذا حاجه وتقوليلي رأيك :

*الحب

اجمل حاجة فى الكون ده اللى بيخليك تعيش

*الكدب

اكتر حاجة تغضب الانسان وربه ورسوله

*الخيانه

الحاجة الوحيدة اللى الانسان مايتوقعهاش من حبيبه

اقتباس :

6-مين اقرب ولد واقرب بنت ليكى فى المنتدى ؟؟ ومين اللى حاسه انهم مش هما ؟؟ ونفسك يرجعوا زى زمان ؟؟

اقرب ولد هانى وحمادة
اقرب بنت هموس
مافيش خد بقى حاسة انه مش هو

اقتباس :

7- ايه الموقف اللى يخلى وعد تقطع علاقتها بحد قريب منها اوى ؟؟ وياترى ممكن تدى للشخص ده فرصه انه يدافع عن نفسه لو عمل الحاجه دى ؟؟ وممكن تسامحيه ؟؟

اقرب شخص ليا انه يكدب عليا او يجرحنى او يخونى

اكيد هاديله فرصة يدافع عن نفسه ده حقة

8

اقتباس :

-امتى وعد حست انها مخنوقه ومش عاوزه تعيش ؟؟ واتغلبتى على الاحساس ده ازاى ؟؟

عموما انا بحس انى مخنوقة لما بزعل حد منى ومش بصالحة وانا اصلا عارفة انى انا اللى غلطانة

اقتباس :

9-ايه هى اجمل هديه وصلت فى حياتك وايه هى وكانت من مين؟؟؟

اجمل هدية كانت من صاحبتى أمنية

اقتباس :

10-مين الاعضاء اللى حاسه انهم محل ثقه فى المنتدى وانك تقدرى تتكلمى معاهم من غير خوف

برضه هانى وحمادة وهموس

اقتباس :

وكفايه دول دلوقتى عليكى

وهو لسه فى تانى ولا ايه

انا خلصت والحمد لله

يالا ربنا يستر فى الباقى

solly كتب:

كفاية عليا كدة بقا انا برشح ادمن بعدي علشان انتقم

ليه بس كده دا انا غلبان

اقتباس :

- ما هو تعريف الحب ؟

الحب هو اجمل احساس بالوجود هو اللى بيخلينا نقدر نعيش ونستحمل متاعب الحياة من غير الحب نموت

اقتباس :

- هل تؤمني بالحب ؟

اكيد مين مش بيؤمن بالحب

اقتباس :

- هل تؤمني بالحب من أول نظرة ؟

اها باؤمن الحب من اول نظرة معظم اللى بيحبوا بيحبو من اول نظرة يعنى مش لازم يكون فى بينهم تعارف سابق

اقتباس :

- هل يختلف معنى الحب عبر العصور؟

لا كل حاجة بتتغير حتى الانسان بيتغير لكن الحب عمره مابيتغير بيفضل على طول هو الحب الاحساس الجميل

اقتباس :

- ما هو تأثير العمر على معنى الحب في المراحل التالية ( مراهقة , شباب , بعد الأربعين )

مش ممكن استعين بصديق ولا حاجة السؤال بصراحة يعنى صعب اوى كمان

انا اسفة مش هاجاوب عليه مش عندى اجابة ليه iam so sorry

اقتباس :

- فرق العمر بين الطرفين هل يؤثر على علاقة الحب؟

لا اللى بيحب حد مش بيبص بقى على فرق السان خالص

اقتباس :

- أيهما أنجح ,الزواج عن طريق الأهل أو عن معرفة سابقة؟

لا طبعا على معرفة سابقة ازاى يعنى زواج ينجح وهما عمرهم ماشافو بعض

اقتباس :

- هل ممكن ان تحبي أكثر من مرة؟

الحب الحقيقى بيجى مرة واحده بس مش اكتر

اقتباس :

-هل يمكن أن يكره الأنسان الشخص بعد أن أحبه؟

عمر اللى يحب مايكره ابدا مهما كان اللى عمله فيه حبيبه

اقتباس :

- هل للمادة دور رئيسي في استمرار الحب؟

هى ممكن يكون ليها دور بس مش دايما يعنى الحب الحقيقى مش بيجتاج اى مادة

اقتباس :

- نجاح الحب مستحيل أم ممكن , و كم نسبة نجاحه؟

الحب نجاحه عمره ماكان مستحيل هو ممكن اوى كمان نسبة نجاخة بقى لو الطرفين بيحبو بعض حب صادق يبقى نجاحى هايكون بنسبة 100 فى 100
اما بقى لو كان من طرف واحد فاهيكون نسبته 50 فى 100 لانه هايكون ناقص الطرف التانى

اقتباس :

- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية

لو غير النواحى العاطفية فده ممكن ياثر اما لو غير عاطفية فااله اعلم بقى

اقتباس :

- أيمكن للحب ان يغير مجرى حياتك؟

اكيد هايغير حياتى على الاقل هايبقى فى حاجة ليها معنى فى حياتى حاجة عايشة علشانها ومش مستعدة انى اخسرها

اقتباس :

- البعد أيخفف المشاعر أم يلهب الأشواق؟

البعد بيلهب الاشواق عمره ماكان بيخفف المشاعر ابدا طول ماحبيبك بعيد عنك بتحس انك قلبك وروحك معاه مش معاك انت

اقتباس :

- هل يتغير الحب بعد الزواج؟

والله ده بيعتمد على الست والراجل يعنى هما بايديهم يخلوه يعيش وهما برده اللى بايديهم ممكن يخلوه يموت

اقتباس :

- بوجود الحب أيشترط وجود السعادة؟

اكيد الحب هو السعادة والحياة وكل حاجة

- هل الغيرة ضرورية في الحب و ما دورها ؟ سلبي أم ايجابي؟

هى يعنى مش ضرورية اوى بس ممكن يكون فى غيرة بس مش تكون زايدة عن حدها يعنى مش غيرة تخلى الطرف التانى يتخنق ودورها بقى هى بتكون ايجابية لانها بتظهر برده حب كل طرف للتانى بس لو كانت زايدة عن حدها يبقى هاتكون سلبية

اقتباس :

- أيهما أخلص الشاب أم البنت؟

انا من رايى البنت ومش علشان انا بنت يعنى بس البنت لما بتحب بتحب بجد وده مش معناه ان الشاب مش بيحب بجد بس الشاب بينسى بسهولة وبيحب غيرها بسهولة برضه انما البنت مش بتقدر تنساه بسهولة يعنى كده وحتى لو حبت حد تانى بيفضل حبيبها الاول هو اللى فى عقلها وقلبها

اقتباس :

- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )

بصراحة انا مش بقتنع بالحب بتاع النت ده خالص مش عارف ليه مع انه ممكن يعيش وممكن يكون حب حقيقى

اقتباس :

-ما رد فعلك عندما يقول لك حبيبك : أحبك نعم أتزوجك لا ؟

دى طبعا صدمة كبيرة اوى بالنسبة ليا لما هو بيحبنى ليه بيقولى الجواز لا يبقى هو مش بيحبنى اصلا

اقتباس :

-لو خيروكي بين حبيبك وبين اعز صديقه فمن تختاري ؟ لازم اختيار واحد

اختيار صعب اوى بس انا هاختار اعز صديق لانه مش بالساهل انك تلاقى صديق يحبك بجد

اقتباس :

-هل هزمك حزنك في يوما من الايام؟

مرة واحده بس حسيت وقتها انى ضعيفة اوى ومش بايدى اعمل اى حاجة

اقتباس :

-((مستحيل انساك)) لمن تقوليها ؟

لامنية اعز صديقة ليا

اقتباس :

-(( انت كل شيء بحياتي )) لمن تقوليها ؟

لماما واخواتى وبابا وامنية كمان

اقتباس :

-متى اخر مره بكيتي ؟

يوم مااخويا عمل العملية

اقتباس :

-هل انتي راضيه عن نفسك ؟

انا راضية عن نفسى لانى مش بعمل حاجة تخلينى مش راضية عن نفسى منها

اقتباس :

- بماذا تقري وتعترفي أمامنا الان ؟

نفس الاقرار اللى كان قبل كان انا بحبكو كلكلو وبيعتبركو زى اخواتى بالظبط

اقتباس :

-ايهما اهم شهادتك الجامعيه أم الزواج ممن تحب ؟

لا شهادتى الجامعيى عندى اهم هو لو بيحبنى هايستنى لما اخلص واخد شهادتى الجامعية

اقتباس :

-هل من الممكن ان تتحول الصداقه الى حب ؟

اكيد ليه لاء

اقتباس :

-هل تعترفي بشيء اسمه الصداقه بين الرجل والمرأة ؟

اه اكبر الصداقات بتبقى بين الرجل والمراة

اقتباس :

-هل كنت السبب في يوما من الايام ان تدمر حياة شخص سواء
العمليه او الاجتماعيه او العاطفيه؟

لا الحمد لله عمرى ماكنت ولا هاكون باذن الله سبب فى تدمير حياة شخص

اقتباس :

-من هو اكثر شخص تفكر فيه؟

أمنية

اقتباس :

-هل تكره شخص بشده في حياتك ؟

لا عمرى ماكرهت حد حتى لو كان عمل فى حاجة مش حلوة

اقتباس :

-ماالذي يلفت انتباهك بسرعه في الشخص لكي تعجبي به ؟

شياكتة واسلوبة فى التعامل مع الناس والاسلوب بيشدنى اكتر من الشياكة يعنى

اقتباس :

-اذا احببت شخصا في الوقت الخطأ وفي المكان الخطأ فماذا تفعلي ؟؟

هاحاول مش ابين حبى ده ليه ولما يجى الوقت الصح والمكان الصح اعترفله بحبى ليه

انا والحمد لله خلصت وربنا يسترها ويكون معايا فى اللى جاى

وخليكو حلوين معايا فى الاسئلة كده والنبى

اقتباس :

احم احم
ورجعنا تانى ونقول الو

الو ازيك ياهانى ربنا يسترها عليا بقى خليك معايا يارب

اقتباس :

1-ايه موصفات فتى الاحلام؟

امممممممممممم والله هو انا لسه مش فكرت فى الفتى ده اوى يعنى بس هاقولك على اللى يجى فى دماغى وخلاص
اولا يكون بيحبنى جدا ويكون بيغير عليا ويكون شيك يكون رومانسى
الشكل بقى مش مهم خالص بس بقى كفاية كده

اقتباس :

2-افضل مطرب انتى شيفاه وبتحبيه؟

جنات بموت فيها هى والمطربة الاجنبة جوجو jojo

اقتباس :

3-اصعب موقف محرج عدى عليكي وانتى عندك كام سنه وكان ايه؟

الموقف ده حصلى السنة دى وانا بصيف انا مش ليا فى العوم اوى يعنى مش بعرف اعروم غير تحت المية نزلت تحت وانا مغمضة عنيا وعايشة بقى تحت المية خالص وابص الاقى نفسى طلعت وسط شلت شباب مية مية لا وايه خبطت فى واحد فيهم يالهوى عليا ساعتها بقى بس ربنا سترها وكان معاهم واحد كبير ده بقى اللى خبط فيه

اقتباس :

4-ايه رايك فى نفسك؟

نو كومنت

اقتباس :

5-ايه اكتر عيب ملحظاه ومش قدره تغيره فى نفسك

العصبية نفسى اوى ابطلها بس مش عارفه اعمل ايه علشان ابطلها

اقتباس :

6-ماذا تعنى لك كلمة بحبك

تعنى ليا الحياة وما فيها هى اجمل كلمة فى الحياة كلها

اقتباس :

7_شعورك وانتى قاعدة كدة ومستربعة فى محكمه الحب ؟

شعور وحش اوى اهىء اهىء اهىء والله مش بكدب عليكو خوف من الاسئلة واحراج وخايفة اجبتى مش تعجبكو بجد احساس وحش اوى

اقتباس :

8_ما هى حكمتك فى الحيااااااااااه؟

الصداقة فالحب فالحياة

اقتباس :

9-ما هى اخر اخباااااااااااااااااااااااااااااااااااااااارك؟

زى اولها عادية يعنى

اقتباس :

10_ما هو اصعب سوال واجهتيه فى حياتك؟

اصعب سؤال اممممممممممم لسه مش ايجى السؤال ده بس ممكن يكون انتى بتحبى لكن بالنسبة ليا سؤال عادى جدا لان اجابته كمان عادية جدا وهى لا

اقتباس :

11-بتاخدى كام فى المصروف؟

مش ليا مصروف محدد والله بس مش تخاف يعنى انا خاربة بيت ابويا هههههههههه

اقتباس :

12_اى الاماكن المفضله لديكى؟

بورسعيد والقاهرة واسكندرية

اقتباس :

يلا كفايه عليكى كده واستنينى تانى راجعلك

وانت ناوى ترجع تانى حراااااااااااااام

مييييييييييين

انا هنا اهوه

جيت علشان ااكد حضورى

ويلا مستنى اسالتكم

ياه هانى يادى النور يادى النور

السجن نور ياهانى

هههههههههههههههه

ده انت وقعت ولا حدش سما عليك

ههههههههههههههههههه

اخش فى الاسئلة بقى

- انت شايف انك صح فى كل حاجة بتعملها؟ و ايه هي احلامك و طموحاتك و اهدافك ؟

- يعني ايه حب في حياتك , و بتحب و لا لاء ؟

- انتى عملت ايه وحش فى دنيتك؟


- يعني ايه صداقه من وجهه نظرك ؟ و بتقول اسرارك لمين ؟ و مين اكتر الناس اللي قريبين منك هنا في المنتدي ؟

-ايه اول ذكرى تفتكرها و انت صغير ؟وايه أجمل هديه جالتك و من مين ؟

- ايه اكتر مكان بتحبه ؟ واكتر مكان بتكرهه ؟ و من اكتر واحد فى زملائك بتنقده وليه واشمعنا هو؟

- انت فاهم يعنى ايه معنى الحب ولا اى كلام بتقال كدة وخلاص؟

- امتى عملت حاجه و انت مش عارفه عملتها ليه ؟؟؟

- امتى حسيت انك عايز تموت ضميرك عشان تستريح ؟؟؟

- امتى اتصدمت فى حد لمجرد انك كنت فاكراه ملاك و اكتشفت انه بشر ؟؟؟

- امتى حسيت بالضعف ؟؟ و ادام مين ؟؟ و ليه ؟؟؟

- ياتري ميدو راضيه عن نفسه ؟ وايه اللى مش عاجبك فى نفسك وفى اصحابك ؟؟؟

- ايه اكتر حاجه ممكن تخليك تبك ؟؟ ومريت بيها قبل كده ولا لسه ؟؟

- ايه السؤال اللى بتخاف حد يسألهولك عشان مش حتعرفى تجاوبى عليه ؟؟ وإتسألته قبل كده فى حياتك ولا لسه ؟؟ ماتقولش مافيش

- امتى حسيت انك مفتقده نفسك و ليه ؟؟


- امتى كرهت الناس و حسيت انك مش عايز تعرف ناس تانى ؟؟؟

- انت عايش ليه ؟؟

- مين اكتر ولد ظلمته ومين اكتر بنت ظلمتها ؟؟ وعاوز تقولهم ايه ؟؟


- لو قلتلك وجه كلمة عتاب لخمس اشخاص
مين هما وايه هى الكلمه ؟؟

- نفسك فى ايه دلوقتى ؟؟؟

- ايه السؤال اللى كنت متردد اوى وانت بتجاوب عليه ؟؟

- بتغسل سنانك كل يوم ولا بتنفض ؟؟


-لو انا معاك دلوقتى كنت عملت فيا ايه ؟؟


-كنت صريح فى الرد على الاسئلة بنسبة كام فى المائة ؟

- لو قالولك حنسفرك تقضى يومين بره تروح فين وتاخد مين ؟ ( شخصين بس )

. ايه الصفات اللى فيك وبتحبها ؟ وايه العيوب اللى فيك ونفسك تتخلص منها ؟

وجه كلمة للاشخاص دى

admin

الفرعون العاشق

SOLLY

عاشقة الرومانسية

انا كده كفاية صح

يالا بالتوفيق بقى فى الاجابات

مستنية الاجابابات بسرعة

يلا يا هانى مستنيينك

وعلى فكره بكره اخر يوم للحكم عليك

يلا فاصل ثم نواصل

انت هربت ولا ايه يا هاني

يلا يا كبير مستنيينك

مستنيك انت يا فرعون وانا هبقي القاضي المره دي

ايوه مستنيينك انت يا فرعون

ههههههههههههههههههههههههه

انتوا كلكوا عليا ولا ايه

لا يا جماعه انا قلت انا هبقى اخر واحد

انا مستنى باقى الاعضاء

يلا مستنى ترشيحاتكم

لالالالالالالالالالالالالالالالالالالالا

احنا كلنا عايزينك انت يافرعون

ده انت الفرعون ياراجل

عايزين فرعون عايزين فرعون